Një marrëveshje armëpushimit është arritur për rajonin e Luhanskut në Ukrainë, ku forcat separatiste të mbështetura nga rusët kanë nën kontroll këtë rajon, ka njoftuar guvernatori lokal.
Në një përpjekje për të ndihmuar civilët të largohen nga zonat ku po zhvillohen luftime të ashpra – është arritur një marrëveshje e përkohshme armëpushimi mes forcave ruse dhe atyre ukrainase, transmeton Telegrafi.
Luhansku gjendet në lindje të kufijve të Ukrainës dhe është nën kontrollin e rusëve, dhe është njohur si i pavarur nga presidenti rus Vladimir Putin, pak ditë para se të fillonte pushtimin.
Ndryshe Ukraina sot ka hyrë në ditën e 28-të të luftimeve të ashpra, që po i zhvillon kundër agresorit rus që nuk ka të ndalur duke bombarduar qytetet ukrainase. /Telegrafi/