Milani është skuadra më e mirë deri më tani në Serie A, ku pas 17 xhirove mbajnë vendin e parë me 40 pikë.
Por për të ndjekur titullin, trajneri Stefano Pioli ka kërkuar përforcime nga klubi dhe duket se drejtuesit do t’ia plotësojnë dëshirën.
Transferimi i parë te Milani pritet të jetë mesfushori francez, Soualiho Meite nga Torino.
26-vjeçari që luan si mesfushor defensivë ka pranuar t’i bashkohet Milanit pasi e sheh si një hap të madh në karrierë.
Drejtuesit e dy klubeve kanë arritur marrëveshje për huazimin e Meites për gjashtë muaj.
Pas përfundimit të sezonit Milani ka të drejtën e blerjes së lojtarit për 10 milionë euro.
Sky Sport Italia ka raportuar se zyrtarizimi i kësaj marrëveshje pritet të bëhet brenda kësaj jave.
Meite këtë edicion ka zhvilluar 14 ndeshje me Torinon ku ka realizuar një gol dhe ka bërë një asistim. /Telegrafi/