Nolberto Solano është arrestuar pasi ka marrë pjesë në një ndejë gjatë periudhës së vetizolimit në Peru.
Ish-mesfushori i Newcastle United, West Ham United, Aston Villa e Boca Juniors, është kapur në qarkun La Molina duke i thyer rregullat e vetizolimit shoqëror të vendosura nga autoritetet.
Gazeta peruane Libero raporton se zyrtarët policorë i kanë kaluar muret e pronës për t’i arrestuar shkelësit e rregullave të vendosura si pasojë e pandemisë së coronavirusit, duke qenë se ata nuk ua kishin hapur derën.
Xhirimet e publikuara në mediat e atjeshme e shfaqin ish-futbollistin 45 vjeçar duke thënë: “Jo zotëri, çfarë ndeje?”.
Pas arrestimit, Solano është dërguar në një stacion lokal policor dhe më vonë është liruar.
Ishte një takim, jo një ndejë, shikoni si jam i veshur. Të gjithë po ankohen”, u ka thënë ai mediave. /Telegrafi/
