Njësia e Reagimit të Shpejtë (NJRSH) nga Drejtoria Rajonale e Policisë në Ferizaj, sot në orët e para të mëngjesit në 00:30, derisa ishte në një pikë kontrolle në rrugën magjistrale Ferizaj-Prishtinë, kanë ndaluar një automjet të udhëtarëve me targa vendore, shoferin dhe dy pasagjerë, për kontroll.
Gjatë kontrollimit të automjetit dhe personave, njërit pasagjer me inicialet E.B ( M/K) 35 vjeçar, iu është gjetur dhe konfiskuar një armë zjarri me 9 fishekë.
Në lidhje me këtë, policia të tre personat i ka shoqëruar në stacionin policor në Ferizaj.
Policia, pasi ka intervistuar të dyshuarin, me vendim të Prokurorit të Prokurorisë Themelore në Ferizaj, është iniciuar rasti “Mbajtje në pronësi , kontroll, ose posedim i paautorizuar i armës” për procedura të mëtejme hetimore dhe i dyshuari është liruar. /Telegrafi/