Policia e Kosovës ka njoftuar se ka arrestuar një person në Ferizaj pasi për të tretën herë ka kanosur 21 vjeçaren B.M.
Në njoftim bëhet e ditur se Policia të dyshuarin e ka arrestuar dhe shoqëruar në stacionin e policisë në Ferizaj dhe pas intervistimit nga policët hetues, me vendim të Prokurorit të rastit, i njëjti është dërguar në mbajtje për 48 orë, për procedura të mëtejme hetimore.
:Mbrëmë, rreth orës 23:30 Policia Rajonale e Ferizajt ka pranuar një informacion se në rrugën ” Rexhep Bislimi” në Ferizaj është një rast i kanosjes.
Në lidhje me këtë policia menjëherë i ka marr veprimet e nevojshme, ka dalë në vendin e ngjarjes dhe në rast janë kyçur Njësia e Hetimeve të cilët nën autorizim të Prokurorit kujdestar nga Prokuroria Themelore e Ferizajt ka nisur hetimet.
Personi me inicialet N.G (M/K) i moshës 33 vjeçar, kishte kanosur për të tretën herë personin me inicialet B.M ( F/K) e moshës 21 vjeçare”, thuhet në njoftim. /Telegrafi/