Policia e Kosovës në rajonin e Mitrovicës, ka arrestuar një person dje rreth orës 10:00 në një pikë kontrolli në rrugën nacionale Mitrovicë- Prishtinë, zona e Vushtrrisë, pasi që drejtuesi i veturës me targa vendore, përveç që nuk respektoi urdhrin e zyrtarëve policorë për ndalim, i njëjti devijoi nga rruga nacionale në drejtim të rrugëve të tjera.
“Njësitë policore janë vënë në ndjekje të veturës në distancë 10 km, ku i dyshuari pas braktisjes së veturës në një zonë të thellë malore kishte bërë përpjekje që në këmbë t’u shmanget policisë, si rezultuar i bashkëveprimit ndërmjet njësisë së trafikut dhe njësive policore në Vushtrri, ka rezultuar që të ndalohet dhe arrestohet i dyshuari K.K., 28 vjeç.
Gjatë kontrollit në veturën e të dyshuarit janë gjetur rreth 119.000 copë cigare, të cilat janë konfiskuar nga autoritete doganore”, thuhet në njoftimin për media.
Ndaj të dyshuarit është caktuar masa e ndalimit policorë për 48 orë, ndërsa hetimet janë duke u zhvilluar për ‘kontrabandë me mallra’, ‘shmangie nga pagesa e tarifave doganore’. /Telegrafi/