Sektori për hetimin e krimeve të rënda pranë policisë shqiptare njofton se ka ndaluar një shtetas të Kosovës, pasi i njëjti është i shpallur në kërkim nga Mali i Zi.
39 vjeçari nga Gjakova do të gjykohet në bazë të ligjeve malazeze për vjedhje dhe armëmbajtje.
Në baze të Kodit Penal Malazez, neni 240/1 “Personi i cili ka kryer një veprim të vjedhjes dënohet me burgim prej një deri në tetë vjet”.
Ndërsa neni 403/2 thotë se “Kushdo që pa autorizim prodhon, shet, blenë, shkëmben se mban armë zjarri, municion ose eksploziv, do të dënohet me burgim për një periudhë prej gjashtë muajsh deri në pesë vjet”.
Njoftimi i policisë shqiptare:
Më datë 22.10.2018, në SPK, Morinë, u ndalua shtetasi Xh.B., vjeç 39, banues në Gjakovë, Kosovë, i shpallur në kërkim, nga Interpoli i Malit të Zi. Nenet 240/1 dhe 403/2 të Kodit Penal Malazez./Telegrafi/