Policia e Kosovës për rajonin e Pejës ka bërë të ditur se ka arrestuar të arratisurin A.R, i cili ishte në vuajtje të dënimit në Qendrën Korrektuese në Lipjan.
Me urdhër të Prokurorit të shtetit, të dyshuarit i është caktuar ndalimi policor 24 orë.
“Më datë 22.02. 2021 pas një pune operativo – hetimore nga njësiti i hetimeve të Stacionit Policor në Pejë, është arritur të lokalizohet dhe të arrestohet i arratisuri A. R, i cili ishte në vuajtje të dënimit në QK në Lipjan”, thuhet në njoftim. /Telegrafi/