Një 57-vjeçar nga Fieri është arrestuar nga policia pasi është kapur duke vjedhur në një banesë në Peqin.
Sipas njoftimit të policisë, personi që ruante banesën e emigrantit pasi zbuloi grabitësin njoftoi policinë.
“Specialistët e Seksionit për Hetimin e Krimeve në Komisariatin e Policisë Peqin arrestuan në flagrancë shtetasin P. Z., 57 vjeç, banues në Fier, për veprën penale “Vjedhja me dhunë”, mbetur në tentativë, pasi ka tentuar të vjedhë në banesën e një shtetasi (në emigrim), e cila ishte në ruajtje nga shtetasi A. M. 57-vjeçari gjithashtu goditi me grushte shtetasin A. M. gjatë tentativës për të vjedhur në banesë”, njofton policia. /Telegrafi/