Policia gjatë një operacionu në tri lokacione të ndara në Prishtinë, ka arrestuar tre persona të cilët kërkoheshin me urdhëresa të Gjykatës Themelore në Prishtinë.
Arrestimet janë kryer nga njësitet e stacionit policor Veriu.
Sipas njoftimit të policisë, personat e arrestuar janë:
I.K., mashkull, shtetas i Republikës së Kosovës, i dënuar me 15 muaj burg për veprën penale të blerjes, posedimit, shpërndarjes dhe shitjes së substancave narkotike.
B.K., mashkull, shtetas i Republikës së Kosovës, i dënuar me 125 ditë burg për veprën penale të posedimit të paautorizuar të narkotikëve.
A.B., mashkull, shtetas i Republikës së Kosovës, i dënuar me 1 vit burg për rastet e rënda të vjedhjeve grabitqare.
Pas përfundimit të procedurave të nevojshme policore, të arrestuarit janë dërguar për vuajtje të dënimeve të tyre.
