Tre persona janë arrestuar mbrëmë rreth orës 21:00 në Prishtinë.
Policia ka njoftuar se Njësia për Reagim të Shpejtë ka ndaluar një veturë me targa vendore, ku më pas ka arrestuar tre personat e dyshuar pasi gjatë kontrollit në veturën me të cilën ishin duke udhëtuar ata janë gjetur dhe konfiskuar 110 gramë substancë e dyshuar narkotike e llojit marihuanë.
Është njoftuar edhe antidroga e PK-së dhe gjatë kontrollit në shtëpinë e njërit nga të dyshuarit në Prishtinë janë gjetur dhe konfiskuar edhe 1810,5 gramë substancë e dyshuar narkotike e llojit marihuanë.
Me vendim të prokurorit të dyshuarit janë dërguar në mbajtje. /Telegrafi/