Drejtori i Interit, Piero Ausilio këmbëngul se nuk ka asnjë shans që sulmuesi i Chelseat, Armando Broja t’i bashkohet Nerazzurrëve në janar.
Mediat në Itali raportojnë se sulmuesi 22-vjeçar është në radarin e Nerazzurrëve për afatin kalimtar të dimrit pasi Marko Arnautovic dhe Alexis Sanchez nuk kanë gjetur golin ende këtë sezon, për të mos përmendur që austriaku ka pësuar një lëndim të rëndë që do ta mbajë atë jashtë fushave për disa javë.
Siç raporton Calciomercato, Ausilio mori pjesë në një event të organizuar nga Federata Shqiptare e Futbollit të martën, por përjashtoi ndonjë interesim të mundshëm për Brojën.
“Më vjen keq, por nuk është e vërtetë sepse jemi të kënaqur me sulmuesit që kemi”, deklaroi ai.
🔵 Inter director Ausilio: “We won’t sign Armando Broja in January. We’re happy with the strikers we have”.
“We know Broja very well, he’s back and he recently scored but there’s no chance to see him joining Inter”. pic.twitter.com/ckRg4WoNXJ
— Fabrizio Romano (@FabrizioRomano) October 10, 2023
“E njoh Brojën, e di që po rikuperohet nga një lëndim i rëndë dhe se ka shënuar gol. Shpresoj se ai do të jetë i rëndësishëm për kombëtaren nga e enjtja, por nuk ka asnjë shans për ta parë atë në Inter”, vazhdoi Ausilio.
Broja pësoi një lëndim të rëndë në gju verën e kaluar, por së fundmi ka shënuar golin e tij të parë këtë sezon në fitoren 2-0 kundër Fulham.
Një tjetër lojtar me kombësi shqiptare, Kristjan Asllani, tashmë po luan për Nerazzurrët dhe Ausilio parashikoi një të ardhme të ndritur për 21-vjeçarin.
“Atë e transferuam sepse ne mendojmë se ai mund të jetë një lojtar i rëndësishëm për Interin, edhe nëse është shumë i ri dhe pa shumë përvojë”, tha drejtori i Interit.
Asllani, një ish-mesfushor i Empolit, ka luajtur 126 minuta në gjashtë paraqitje këtë sezon, katër në Serie A dhe dy në Ligën e Kampionëve. Kontrata e tij në Stadio Meazza skadon në qershor 2027./Telegrafi/