Ata janë dy nga artistët më të pëlqyer e më të suksesshëm në tregun muzikor shqiptar.
Fjala është për Ardian Bujupin dhe Capital T, të cilët duket se kohëve të fundit kanë prishur raportet me njëri-tjetrin.
Kjo pasi Trim Ademi (emri i vërtetë) në paraqitjet e fundit televizive derisa po fliste për Bujupin, në një mënyrë lë të kuptohej se famën, suksesin dhe të arriturat i ka falë bashkëpunimeve me të.
Pas gjithë kësaj, duket se një reagim nuk ka munguar as nga artisti shqiptar i cili jeton dhe vepron në Gjermani.
Ardiani ka bërë një postim në InstaStory, duke kërkuar një ‘përballje live’ me Capital T, për t’i shprehur meritat dhe sukseset e kujt kanë qenë.
“Nëse ja nisim këtë punë vlla mos fol mas shpine por hina live dhe i shprehim gjërat. Sukseset dhe meritat e kujt kanë qenë këngët etj etj”, ka shkruar ai.
Të njëjtit kanë një projekt së bashku të titulluar “Andiamo”, i cili në YouTube numëron mbi 90 milionë klikime. /Telegrafi/