Të martën mbrëma, Ansu Fati shënoi sërish për t’i ndihmuar Barcelonës që ta mposhtte Leganes dhe ta shtonte diferencën me Real Madridin në krye të tabelës.
Talenti 17 vjeçar e realizoi golin e pestë të sezonin në gjysmën e parë, ndërsa në pjesën e dytë Lionel Messi e vulosi fitoren me një gol nga penalltia.
Blaugranët patën raste të shumta, mirëpo ishte ylli me origjinë nga Guinea-Bissau që e zhbllokoi rezultatin në minutën e 42-të të takimit.
Fati pranoi një top pranë zonës nga Junior Firpo, krijoi hapësirë dhe goditja e tij e kaloi portierin Cuellar dhe u ndal në rrjetë.
Trajneri Quique Setien e zëvendësoi talentin e ri në pjesën e dytë (në minutën e 54 duke inkuadruar Luis Suarezin), ndërsa më pas tregoi arsyen.
Trajneri ka thënë se arsyeja e zëvendësimit ishte për shkak të lëndimit që sapo e ka tejkaluar, prandaj nuk deshi ta rrezikonte. /Telegrafi/
Ansu Fati made it for Barca 1-0 against Leganes. The boy is good! pic.twitter.com/ZNQiH1SgMf
— Trouble Will Find Me (@queeninghere) June 16, 2020