Carlo Ancelotti bëri vlerësimin e El Clasicos, në të cilën Real Madridi mposhti Barcelonën në gjysmëfinale të Superkupës së Spanjës.
Los Blancos triumfuan me rezultat 3-2 pas vazhdimeve ndaj Barcelonës, pasi loja e rregullt u mbyll me barazim 2-2.
Golat në këtë përballje u shënuan nga Vinicius Junior, Karim Benzema dhe Federico Valverde për Realin, ndërsa për Barçën shënuan Luuk de Jong dhe Ansu Fati.
“Mendoj se skuadra është e përgatitur për këtë lloj ndeshjeje. Ishte një ndeshje shumë e barabartë. Ne ishim shumë efektivë në fillim dhe në kundërsulme”, ka thënë fillimisht Ancelotti.
“Nuk pësuam gola për shkak të lodhjes. Kundërsulmi ishte shumë efektiv. Imazhi i mirë i futbollit spanjoll. Barcelona luajti mirë dhe ndeshja ishte shumë e barabartë. Na shkaktuan probleme në krosime, diçka që zakonisht nuk e bëjnë”.
🎙️ @MrAncelotti: "The team was ready for these kinds of matches. It was always going to be a close match. We especially played well in the first half, we were effective from the back and on the counter. We made mistakes from tiredness but our counter attacks were efficient." pic.twitter.com/eW6tFcDiHG
— Real Madrid C.F. 🇬🇧🇺🇸 (@realmadriden) January 12, 2022
Ai nuk beson atë që tha trajneri kundërshtar Xavi, se Barcelona ishte superiore.
“Nuk jam dakord. Ishte një ndeshje e barabartë. Pjesën e parë pësuam një gol për fat të keq. Pjesa e dytë ishte më e barabartë. Askush nuk dominoi”.
“Ne zbritëm për të përdorur kundërsulmin. Tre golat ishin spektakolar. Është më e vështirë për ne të ecim përpara dhe për këtë arsye përdorëm më shumë kundërsulmin”.
“Barcelona ka një skuadër shumë të mirë. Ata kanë lojtarë të rikuperuar dhe skuadra do të përmirësohet”, përfundoi trajneri i Los Blancos. /Telegrafi/