Trajneri i Real Madridit, Carlo Ancelotti ishte kundër lëvizjes së Casemiros në Manchester United dhe shpresonte të bindte brazilianin të qëndronte në Santiago Bernabeu.
30-vjeçari është në prag të transferimit në Old Trafford në një marrëveshje prej 60 milionë eurosh plus 10 milionë euro bonuse.
Sipas raportimeve në Britaninë e Madhe, braziliani pritet t’i nënshtrohet testeve mjekësore me Djajtë e Kuq në orët në vijim.
Casemiro ka fituar pesë herë Ligën e Kampionëve në Madrid, dy herë me Ancelottin në krye. Prandaj, trajneri italian nuk ka dashur të ndahet me mesfushorin brazilian dhe është përpjekur ta bindë atë të qëndrojë në klub.
Sipas gazetës Marca, Ancelotti ‘nuk donte të ndahej me njërin nga besnikët e tij’ dhe ‘një nga lojtarët më të besueshëm’ në skuadrën e Real Madridit.
Megjithatë, Casemiro duket se është në rrugën e tij për në Old Trafford me dy klubet që thuhet se kanë rënë dakord për çmimin e lojtarit.
Ancelotti ka dy vjet të mbetura në kontratën e tij me Real Madridin dhe konfirmoi javën e kaluar se do të tërhiqej në fund të periudhës aktuale në kryeqytetin spanjoll. /Telegrafi/
El United tiene listo el fichaje de Casemiro🤝https://t.co/EgschVqF1c
— MARCA Claro (@MarcaClaro) August 19, 2022