Menaxheri i Evertonit, Carlo Ancelotti ka folur për garën e titullit në Serie A, ndërsa ka bërë edhe krahasim midis Christian Eriksen dhe Andre Pirlos.
Ancelotti mori detyrën e Evertonit vetëm disa ditë pasi u shkarkua nga Napoli në dhjetor, por ende i intereson futbolli në Italia.
Trajneri italian ka folur rreth garës për titull në Serie A, ndërsa nuk ka hezituar të flas fjalë të mëdha për yllin e ri të Interit, Eriksen.
“Është padyshim një garë më emocionuese e Scudettos në krahasim me vitet e kaluara”, ka thënë fillimisht Ancelotti për Radio Deejay.
“Është një betejë e hapur dhe e pasigurt, kështu që nuk është e thjeshtë të zgjedhësh një favorit”.
“Juventusi ka përvojë, Interi ka entuziazëm dhe Lazio nuk ka garat e Kupës për t’u shqetësuar”.
“Eriksen është mesfushori i kompletuar, pasi ai mund të luajë të gjitha rolet e mesfushës”.
“Unë e shoh atë shumë të ngjashëm me Pirlon, pasi që ai mund të luante edhe para mbrojtjes. Ai mund të shohë të pasojë nga çdo pozitë dhe mund të gjuaj edhe nga distanca”, përfundoi italiani. /Telegrafi/