Analizë dhe formacionet e mundshme për derbin në Kupën e Italisë: Juventus – Inter

Simone Inzaghi ka të ngjarë të zgjedhë Edin Dzekon para Romelu Lukakut në sulm, derisa te Juventusi rikthehet Dusan Vlahovic.

Është ndeshja e parë gjysmëfinale e Kupës së Italisë. Ajo fillon në orën 21:00 në Allianz Stadium.

Federico Chiesa dhe Angel Di Maria janë në dispozicion për Zonjën e Vjetër, por anësori italian do të startojë në bankinë.

Juan Cuadrado është favorit për të startuar para Mattia De Sciglios, ndërsa Di Maria duhet të jetë partner i Vlahovicit në sulmin e Juventusit.

Paul Pogba, Leonardo Bonucci dhe Kaio Jorge janë jashtë fushës për shkak të lëndimeve.

Juventusi fitoi të dyja ndeshjet e Serie A kundër Interit këtë sezon dhe fitoi 15 nga 34 takimet e mëparshme në Kupën e Italisë ndaj Nerazzurrëve.

Lexo po ashtu Cassano kërkon shkarkimin e Inzaghit: Një katastrofë totale

Megjithatë, ka pasur një bilanc perfekt në gjashtë ndeshjet e fundit të Kupës së Italisë të luajtura në Torino nga këto dy skuadra, me dy fitore secila dhe dy barazime.

Interi ka humbur tre ndeshjet e fundit radhazi në Serie A dhe është ende pa të lënduarit Milan Skriniar dhe Hakan Calhanoglu.

Samir Handanovic është favorit për të startuar në portë për Nerazzurrët, ndërsa Dzeko duhet të jetë partner i Lautaro Martinez në sulm, me Lukakun që pritet të jetë në bankinë.

Interi është i pamposhtur në 10 nga 12 ndeshjet e fundit të Kupës së Italisë kundër Juventusit.

Formacionet e mundshme

Juventus (3-5-2): Perin; Gatti, Bremer, Danilo; Cuadrado, Fagioli, Locatelli, Rabiot, Kostic; Di Maria, Vlahovic.

Inter (3-5-2): Handanovic; D’Ambrosio, Acerbi, Bastoni; Darmian, Barella, Asllani, Mkhitaryan, Dimarco; Dzeko, Lautaro. /Telegrafi/