“Pse e du” është kënga më e re, të cilën Ana Kabashi e publikoi para disa ditësh.
Projekti i ri muzikor është pritur mirë nga fansat e këngëtares, ndërsa si zakonisht, ajo erdhi atraktive në skenat e videoklipit të ri.
Në profilin e saj në Instagram, Ana ka publikuar fotografi dhe video nga prapaskenat e xhirimit të klipit.
Artistja nga Peja ka marrë vëmendje me dukjen joshëse dhe të veçantë në videon e re muzikore.
“Pse e du” është realizuar me tekst të shkruar nga vet Ana në bashkëpunim me Zana Kabashin, kurse miksimi dhe masterizimi është realizuar nga producenti Mixey. Për melodinë e këngës gjithashtu është përkujdesur vet këngëtarja. /Telegrafi/
