Ambasada ruse në Afrikën e Jugut publikoi një hartë në të cilën Krimea është pjesë e Ukrainës

Ambasada ruse në Afrikën e Jugut ka publikuar një hartë në internet që tregon gadishullin e Krimesë, të cilin Rusia e ka aneksuar si pjesë të Ukrainës.

Qëllimi i postimit në faqen e ambasadës në X, i njohur më parë si Twitter, ishte promovimi i BRICS si një organizatë në rritje, transmeton Telegrafi.

Në vend të kësaj, doli nga njoftimi se ambasada ruse e njeh Krimenë si pjesë të Ukrainës.

Lexo po ashtu Ambasadori ukrainas në Slloveni: Po përparojmë ngadalë sepse për dallim nga rusët, ne vlerësojmë jetën e ushtarëve

Postimi përmbante një hartë të botës që tregon brenda kufijve të Ukrainës pjesët lindore të territorit të saj që Rusia pretendon se i ka aneksuar, si dhe Krimenë, të cilën Moska e aneksoi ilegalisht në 2014.

Anëtarët aktualë dhe potencialë të BRICS janë theksuar me një ngjyrë të veçantë në hartë. Themeluesit e organizatës janë Brazili, Rusia, India, Kina dhe Afrika e Jugut.

Këtë vit, gjashtë vende të tjera u ftuan për t’iu bashkuar bllokut: Etiopia, Argjentina, Egjipti, Emiratet e Bashkuara Arabe, Arabia Saudite dhe Irani.

Lexo po ashtu Prigozhin u varros në fshehtësi, kreut të Wagner-it iu dha lamtumira e fundit sot në varrezat në vendlindjen e tij

Ukraina dhe aleatët e saj në Bashkimin Evropian dhe NATO nuk i njohin pretendimet e Rusisë ndaj Krimesë dhe Ukrainës lindore, dhe kanë kërkuar që këto territore të kthehen plotësisht në kontrollin e Kievit.

Që kur u publikua, postimi i ambasadës ruse ka tërhequr më shumë se 292 mijë shikime, si dhe një numër të madh komentesh tallëse. /Telegrafi/