Google Pixel Fold i prezantuar në maj mbështet audion hapësinore me kufje me kabllo dhe me valë për një përvojë më gjithëpërfshirëse.
Tre muaj më vonë, ne tani mësojmë se telefoni i parë i palosshëm i Google mbështet Spatial Audio edhe me altoparlantët e tij të integruar.
Mishaal Rahman, ish-kryeredaktori i XDA-Developers, shpërndau një “screenshot” në profilin e tij në X nëpërmjet së cilës tregohet mbështetja e Spatial Audio për altoparlantët e integruar të Pixel Fold, raporton GSM Arena, përcjell Telegrafi.
The Pixel Fold supports spatial audio over wired headphones just like the Pixel 6 and Pixel 7 series do, but unlike those devices, it also supports spatial audio over the phone speaker!
Image credits: SageSushi on Telegram pic.twitter.com/mPf6M7ky2T
— Mishaal Rahman (@MishaalRahman) August 9, 2023
Nëse keni një Pixel Fold dhe dëshironi një përvojë audio më gjithëpërfshirëse përmes altoparlantëve të palosshëm, mund të aktivizoni audio hapësinore duke lundruar te menyja Settings > Sound & vibration > Spatial Audio dhe duke ndryshuar butonin pranë opsionit të altoparlantit të telefonit.
Vlen të ceket se mbështetja e audios hapësinore për altoparlantët e integruar është ekskluzive për Pixel Fold pasi Pixel 6, Pixel 6 Pro, Pixel 7 dhe Pixel 7 Pro, të cilat morën mbështetje për audion hapësinore në fillim të këtij viti, mund t’ju ofrojnë vetëm një përvojë gjithëpërfshirëse audio vetëm përmes kufjeve me kabllo dhe me valë. /Telegrafi/