Telegrafi

Allegri trajneri më i mirë në Itali, lë pas Sarrin e Inzaghin

Max Allegri e ka fituar ‘Bankinën e Artë’ (Panchina d’Oro), çmim që jepet në Itali nga trajnerët për teknikun më të mirë të vitit.

Allegri mposhti në konkurrencë, tani trajnerin e Chelseat, Maurizio Sarrin dhe Simoni Inzaghi e Lazios.

Sarri u rendit i dyti, ndërsa Inzaghi i treti. Trajneri i Juventusit mori 17 vota, kundrejt 8 votave të marra nga dy kolegët.

Kjo është hera e katërt që Allegri e fiton këtë garë.

Takim me Zdenek Zeman e Alessandro Nestan i Massimiliano Allegrit . (Photo by Claudio Villa/Getty Images)

Mëe trofeun e fituar këtë edicion, ai i kalon në renditje trajnerët me nga tre tituj, Fabio Capellon dhe Antonio Conten.

“Ashtu siç e them gjithmonë, sa më pak dëme ne bëjmë më mirë”.

“Falënderoj stafin tim”.

Massimiliano Allegri . (Photo by Gabriele Maltinti/Getty Images)

“Merita duhet të shkojë edhe tek lojtarët dhe klubi. Unë shpresoj të qëndroj këtu për një kohë të gjatë. Tani jam më reflektues. Përvoja ime e viteve në Serie A më ka lejuar të rritem”.

“Objektivi është të fitojmë Scudettin e tetë dhe pastaj Ligën e Kampionëve”.

“Do të shohim nëse kemi pak fat në anën tonë. Gjëja e rëndësishme është të kuptojmë se si do të jemi në mars”.

Fabio Capello e Massimiliano Allegri . (Photo by Gabriele Maltinti/Getty Images)

“Niveli është rritur, kështu që ne duhet të kemi cilësi. Për Scudetto vëmendja jonë është te Napoli dhe Interi”, ka thënë Allegri pasi e morri çmimin. /Telegrafi/