Massimiliano Allegri ka pranuar se takimi i të mërkurës ndaj Maccabi Haifas është më i rëndësishmi për Juventusin dhe pohon se skuadra e tij nuk i ka zgjidhur problemet përkundër fitores bindëse ndaj Bolognas.
Zonja e Vjetër është nikoqire e skuadrës izraelite në Allianz Stadium dhe e do me ngulm fitoren pas fy humbjeve radhazi në garën evropiane (nga Paris Saint-Germaini dhe Benfica).
“Natyrisht se do të ndryshojmë diçka. Kemi një listë të ngjeshur me ndeshje. Thuajse të gjithë janë kthyer dhe mund të bëjë paksa rotacion gjatë lojës”.
Juve-Maccabi, Allegri LIVE in conferenza stampa: le sue parole https://t.co/UzQ08fTNYj pic.twitter.com/7039GGTRhi
— ilbianconero (@ilbianconerocom) October 4, 2022
“Duhet të vendos për formacionin startues, por më e rëndësishmja është që të luajmë akoma më mirë se të dielën, edhe në sulm edhe në mbrojtje”.
“Nuk është një ndeshje e lehtë. Maccabi luajti mirë në Lisbonë dhe ende më mirë në sfidën ndaj PSG-së. Ata bëjnë shumë presion dhe do të jetë vështirë; duhet t’i respektojmë”.
“Është e padobishme të mendosh për skuadrat tjera nëse nuk i fitojmë të dyja takimet ndaj Maccabit. Nesër është ndeshja jonë më e rëndësishme në Ligën e Kampionëve”, ka thënë Allegri në një konferencë për shtyp, cituar nga Ilbianconero.com. /Telegrafi/