Trajneri i Juventusit, Massimiliano Allegri, u shpreh i lumtur me fitoren 0-2 ndaj Milanit në San Siro.
Tekniku italian shpjegoi edhe pse la në bankën rezervë Leonardo Bonuccin, duke thënë se lojtari kishte nevojë për pushim.
“U rikthyem në rrugë të drejtë pas humbjes ndaj Manchester Unitedit, e cila na tronditi”, ka thënë Allegri për Sky Sport Italia.
“Kemi pasur disa rreziqe, por Wojciech Szczesny fatmirësisht qëndronte gati për pritjet e tij. Kemi bërë paraqitje të mirë”.
“Ishte një vikend i mirë në ligë, Interi humbi në Bergamo dhe ne arritëm të mbajmë distancën e njëjtë me Napolin, të cilit po bëjnë një sezon të jashtëzakonshëm”.
“Bonucci? Ai kishte nevojë për pushim dhe rastisi të ishte ndaj Milanit. Edhe në bankën rezervë mori shumë ofendime nga Curva (tifozët ultras të Milanit), kështu ishte më mirë në këtë mënyrë”.
“Humbja nga Man Utd na bëri mirë, sepse sonte duhej të fitonim dhe të mbanim portën e paprekur. Të gjithë më thanë se ndaj Unitedit kemi luajtur mirë, por në rast se nuk fitojmë ajo nuk ka rëndësi”, ka shtuar Allegri. /Telegrafi/
