Alexis Sanchez do të ishte zëvendësimi ideal i Alvaro Moratas te Juventusi. Kështu mendon ish-futbollisti i këtij klubi, Mauro Camoranesi.
Javën e kaluar Real Madridi e ka aktivizuar klauzolën për rikthimin e spanjollit, ndërsa tash Zonja e Vjetër kërkon të transferojë një sulmues.
“Kam dëgjuar se mund të jetë Alexis Sanchez. Ai e njeh futbollin italian”, citon Goal fjalët e Camoranesit.
KLIKONI KËTU për të rejat nga TRANSFERIMET
“Ai ka shpejtësinë që t’iu shkaktojë probleme mbrojtësve kundërshtarë dhe do të bashkohej me një ekip me mentalitet fitues dhe mendoj se do të ishte një mundësi e mirë për të dhe Juve mund të nxirrte më të mirën nga ai”.
“Alexis është lojtar ndryshe. Tashmë janë Mandzukic e Dybala dhe me të mund ta formojnë një sulm të fuqishëm”, ka shtuar ai.