Sipas Calciomercato.com, Alex Sandro ka vendosur të largohet nga Juventusi pasi Chelsea ka rritur ofertën e tyre në 70 milionë euro.
Më parë këtë javë, drejtori i bardhezinjve, Beppe Marotta konfirmoi marrjen e një oferte shumë të konsiderueshme për mbrojtësin e majtë brazilian.
Ai gjithashtu vuri në dukje se Juventusi nuk mban askënd kundër vullnetit të tij, duke ftuar në mënyrë efektive mbrojtësin që të kërkojë një transferim.
Raportet në Itali këtë mbrëmje sugjerojnë se tashmë ka ndodhur dhe Alex Sandro është gati të bashkohet me Chelsean, ku ai do të dyfishonte pagën e tij prej 2.8 milionë euro për të fituar mbi shtatë milionë euro neto në vit në Londër.
Juventusi gjithashtu do të përfitojë një fitim të madh, pasi e ka blerë 26-vjeçarin nga FC Porto për 26 milionë euro në verën e vitit 2015.
Gjigantët e Torinos tashmë kanë nevojë për të zëvendësuar Dani Alvesin, i cili do të lirohet nga kontrata e tij me pëlqimin e ndërsjellë për t’u bashkuar me Manchester Cityn, kështu që duhet të shikojnë transferime për dy krahët e mbrojtjes.
Matteo Darmian i Manchester United dhe Mattia De Sciglio i Milanit janë quajtur vazhdimisht si caqe, por negociatat janë duke u intensifikuar me Atalantën për të rikthyer Leonardo Spinazzolan, i cili është në huazim te skuadra nga Bergamo. /Telegrafi/