Bjellorusia thuhet se ka vendosur një fluturake për të penguar një dron rus që kishte fluturuar në hapësirën e saj ajrore.
“Aviacioni u përdor për herë të parë në Bjellorusi për të rrëzuar një dron Shahed”, sipas Belarusian Hajun Project, një inteligjencë me burim të hapur që monitoron aktivitetin ushtarak të trupave ruse dhe bjelloruse në Bjellorusi, shkruajnë mediat e huaja, përcjell Telegrafi.
Rusia ka përdorur mjete ajrore pa pilot Shahed (UAV) të prodhuara nga Irani, të njohura gjithashtu si “dronë kamikaze” për të shënjestruar infrastrukturën civile dhe energjetike të Ukrainës.
Projekti Hajun tha se droni iranian kishte hyrë në hapësirën ajrore të Bjellorusisë në rajonin Homiel (Gomel) rreth orës 3:30 të mëngjesit, duke nxitur vendosjen e një aeroplani luftarak të Forcave Ajrore Bjelloruse.
❗️Aviation was used for the first time in Belarus to shoot down a Shahed drone
According to @Hajun_BY, last night, during another Russian attack against Ukraine, one of the Shahed drones again flew into the territory of Belarus in Yelsk district. It happened at 03:30.
1/3 pic.twitter.com/QwfqEvR4rI— Belarusian Hajun project (@Hajun_BY) August 29, 2024
Më pak se gjysmë ore më vonë, të paktën dy shpërthime u dëgjuan në lagjen Yelsk “dhe një blic i ndritshëm u pa në qiell”, thuhej në postimin në X, dikur Twitter.
“Ky është ndoshta rasti i parë i regjistruar i një luftëtari të Forcave Ajrore Bjelloruse që përpiqet të shkatërrojë një objektiv të vërtetë ushtarak në qiell”, shtoi Projekti Hajun pranë një harte të zonës.
Në përgjigje të një kërkese për informacion të mëtejshëm, një zëdhënës i Projektit Hajun i tha Newsweek se ende nuk kishte detaje të mëtejshme për dronin.
“Por sot ishte hera e parë për ta rrëzuar atë”, shtoi projekti.
Belarus shot down a Russian Shahed drone on its territory with the help of aviation for the first time – Belarusian Hajun project.
It is reported that on the night of August 29, during another Russian attack on Ukraine, one of the Shahed drones flew into the territory of Belarus… pic.twitter.com/Aotu4GX9Tk
— Anton Gerashchenko (@Gerashchenko_en) August 29, 2024
Ndërkohë një ish-këshilltar i ministrit të punëve të brendshme të Ukrainës, Anton Gerashchenko, postoi në X, “Bjellorusia rrëzoi një dron rus Shahed në territorin e saj me ndihmën e aviacionit për herë të parë”.
Kujtojmë se presidenti i Bjellorusisë, Alexander Lukashenko është aleati më i ngushtë i Vladimir Putinit.
Dhe ndërsa presidenti rus ka shmangur përfshirjen e drejtpërdrejtë të Minskut në pushtimin në shkallë të plotë të Ukrainës, territori i Bjellorusisë është përdorur për të organizuar sulme. /Telegrafi/