Ish-aktori i njohur i programit argëtues “Portokalli” Marsel Rupi ka reaguar së fundmi me një status në rrjetin social “Facebook” kundër showmenti shqiptar Ermal Mamaqi.
Rupi, i njohur për imitimin e kryebashkiakut Erion Velijaj ka cituar në shkrimin e tij se askush nuk duhet të irritohet për të ftuarit në emisionin e Ermalit, “pasi ai nuk është i njëjti brumë dhe e njëjta histori si shumica e të ftuarve të tij”, transmeton Telegrafi.
“Me kujtohen këngët e famshme te Ermalit, me kujtohen kohet kur ai sillej neper televizione lart e poshtë. Ndërsa ne, të tjerët rropateshim nëpër auditoret e universiteteve evropiane e perëndimore në kërkim të dijes. Sa diferencë, shume diferencë e madhe”, ka shkruar më tej ai.
Komentet e fansave e kanë akuzuar aktorin Rupi për xhelozi, gjersa ky i fundit vazhdonte me reagimet, duke thënë se Ermali ka lënë përgjysmë edhe akademinë, të cilën s’ka ngelur kush pa e përfunduar. /Telegrafi/