Aktori Norman Reedus, i cili luan rolin e Daryl Dixon në serialin e popullarizuar “Walking Dead”, është kafshuar nga një fanse.
Fansja ka pritur në rend për t’u fotografuar me të dhe kolegun e tij, Michael Rooker dhe fillimisht është sjellë mirë.
Mirëpo, pas përshëndetjes i ka thënë Reedusit se shpesh shtiret sikur është e martuar me të.
Dhe në momentin e fotografimit, është kthyer dhe e ka kafshuar në gjoks. Sigurimi ka reaguar duke e larguar nga evenimenti.
Reedus ka vendosur të mos ngrejë padi kundër saj, duke qenë se është lënduar shumë pak.
Më vonë, fansja e ka postuar fotografinë me aktorët në Instagram dhe ka kërkuar falje për gjestin e saj. /Telegrafi/
