Isla Fisher dhe Sacha Baron Cohen nuk e kanë fshehur përkrahjen e tyre pas incidentit të ndodhur në “Oscars 2022” midis Will Smith dhe Chris Rock.
Në një seri postimesh që ka shpërndarë në Instagram, aktorja me origjinë australiane duket se është në ekip të Chris.
46-vjeçarja ka publikuar një imazh të Rock duke shkruar: “Chris Rock, legjenda e komedisë”.
Në një tjetër që e ndau në rrjete sociale, ajo ka sjell një imazh të përbashkët të bashkëshortit të saj, aktorit Sacha Baron Cohen dhe të komedianit.
Smith ka shkaktuar një skandal të madh në “Oscars” duke goditur me shuplakë Chrisin, pasi u tall me bashkëshorten e tij për kokën tullace, Jada Pinkett Smith.
Pinkett ndërkaq ditën e djeshme (e martë) bëri një reagim për herë të parë në lidhje me ngjarjen teksa shtoi: “Është një sezon për shërim dhe jam këtu për të”.
Pas gjithë kësaj që ndodhi, 53-vjeçari i kërkoi falje publike Chris si dhe Akademisë së Arteve.
Këta të fundit në një letër të publikuar thanë se duhet javë për hetimin e aktorit të “I Am Legend”. /Telegrafi/
