Në orët e para të mëngjesit janë aktivizuar sirenat në shtatë rajone të Ukrainës, që paralajmërojnë sulme të mundshme ajrore.
Me këtë janë alarmuar autoritetet lokale në Sumski, Poltavsk, Cherkask, Kirovogradsk, Dnipropetrovsk, Kharkiv e Nikolaiev si dhe në rajonet Kherson dhe Zaporizhzhia, që janë nën kontrollin e Kievit.
Kështu të paktën tregojnë të dhënat online të hartës nga ministria ukrainase për Transformim Digjital, transmeton Telegrafi.
Sirena u aktivizuan nga ora 7:15 deri më 7:17, ku menjëherë autoritetet kompetente ndërmorën veprimet e nevojshme, duke i bërë thirrje banorëve të futen nëpër bunkerë e strehimore.
Aktivizimi i sirenave është bërë diçka e zakonshme në Ukrainë që nga fillimi i luftës, ku ushtria ruse vazhdimisht kryen sulme ajrore mbi infrastrukturën civile. /Telegrafi/