Partia Socialdemokrate (PSD) ka mbajtur një aksion simbolik në ndërtesën e Qeverisë së Kosovës.
PSD ka shfaqur një aeroplan lodër, me fotografinë e kreut të Vetëvendosjes, Albin Kurti.
“Lideri Suprem”, thuhet në fotografinë e shfaqur nga PSD.
“Një aeroplan lodër fluturon. Shikojeni qiellin! Kërkoni idetë! Atëherë do ta shihni mbretin cullak. Një aeroplan lodër fluturon e tregon. Zhytja e thellë aty ku gëlon propaganda mbytëse krijon univers paralel, pa kohë e hapësirë.Një aeroplan lodër fluturon. Qielli do të mbetet i hapur, pa skaj, sepse liria është kushti njerëzor. Idetë e reja nuk do të mbarojnë sa t’ketë njerëzi. Kush pretendon fundin veçse i ka dhënë fund vetes”, thuhet në reagimin e PSD-së.
Më tej thuhet se “ Kritika protestuese që kërkon liri e gjen gjithmonë rrugën e vet. Edhe kur regjimi ka pushtuar e mbërthyer çdo skutë, një formë e re do të gjendet. Ka qenë kështu edhe në distopitë më të errëta totalitare”. /Telegrafi/
