Një aksident trafiku me të lënduar ka ndodhur pasditen e djeshme në fshatin Vraniq të Suharekës.
Policia njofton se një i mitur derisa ishte duke drejtuar veturën, ka humbur kontrollin dhe është përplasur me një gur në skaj të rrugës e më pas me mbrojtësen e urës dhe ka rënë poshtë saj.
“Fsh.Vraniq, Suharekë, 09.09.2022-18:50. Një mashkull kosovar i mitur, duke drejtuar veturën ka humbur kontrollin duke u përplasur me një gurë skaj rrugës, e më pas me mbrojtësen e urës bie poshtë urës”, thuhet në raportin policor.
Vozitësi dhe tre pasagjerët e mitur kanë pësuar lëndime trupore dhe janë dërguar në Emergjencën e Suharekës.
Vozitësi për shkak të lëndimeve të rënda është transferuar në Qendrën Klinike Universitare të Kosovës. /Telegrafi/