Tre persona kanë mbetur të lënduar në një aksident trafiku që ka ndodhur sonte në Prishtinë.
Zëdhënësja e Policisë së Kosovës për Rajonin e Prishtinës, Flora Ahmeti tha për Telegrafin se në aksident kanë qenë të përfshira tri vetura.
“Rreth orës 20:00 ka ndodhë një aksident trafiku në Prishtinë, ku kanë qenë të përfshira tri automjete. Si pasojë e aksidentit tre persona kanë marrë lëndime trupore. Të njëjtit janë dërguar për tretman mjekësor”, tha ajo.
Ahmeti bëri të ditur se me rastin po merret njësiti i trafikut.
Më poshtë fotografitë nga vendi i ngjarjes, të siguruara nga Telegrafi:
