Pesë persona kanë mbetur të lënduar si pasojë e një aksident trafiku që ka ndodhur pasditen e sotme në autostradën Prishtinë – Prizren.
Zëdhënësi i Policisë së Kosovës për rajonin e Prishtinës, Bajram Krasniqi tha për Telegrafin se në aksident janë përfshirë shtatë vetura.
“Më, 24.12.2020 rreth orës 17:00, në autostradë (dalja për Suharekë) ka ndodhur një aksident trafiku, ku janë përfshirë shtatë vetura. Si pasojë e aksidentit janë lënduar pesë persona. Njësitë relevante policore, njësitet e zjarrfikësve si dhe ndihma e shpejtë janë në vendin e ngjarjes”, deklaroi ai.
Tutje ai tha se të gjitha veprimet policore janë duke u ndërmarrë lidhur me rastin, përderisa rruga për momentin mbetet e bllokuar për qarkullim.
Më poshtë mund t’i shihni disa pamje të aksidentit të publikuara nga televizioni lokal i Prizrenit, Besa. /Telegrafi/
