Një aksident trafiku ka ndodhur rreth orës 11:00 në rrugën “Ali Ajeti”, në Podujevë ku si pasojë tre persona janë lënduar.
Lajmin për Telegrafin e ka bërë të ditur zëdhënësja e Policisë së Kosovës për rajonin e Prishtinës, Flora Ahmeti.
“Rreth orës 11:00, është pranuar informata për një aksident komunikacioni rrugor të ndodhur në rrugën Ali Ajeti në Podujevë. Në aksident janë përfshirë tri automjete, ku lëndime kanë pësuar tre persona”, tha Ahmeti.
Tutje, ajo njoftoi se policia ka dalë në vendin e ngjarjes dhe ka filluar një hetim lidhur me shkaqet që kanë sjellë deri te ky aksident. /Telegrafi/