Një aksident trafiku mes një veture dhe motoçiklete ka ndodhur sot në Prishtinë.
Zëdhënësja e Policisë së Kosovës për Rajonin e Prishtinës, Flora Ahmeti tha se aksidenti ka ndodhur rreth orës 11:30.
“Sot rreth orës 11:30 në kryqëzimin e rrugëve Fehmi Agani dhe Luan Haradinaj, në Prishtinë, ka ndodhur një aksident trafiku në mes të një automjeti dhe një motoçiklete. Si pasojë e aksidentit një person ka pësuar lëndime trupore. I njëjti është dërguar për tretman mjekësor”, u shpreh ajo.
Tutje, Ahmeti pohoi se me rastin po merret njësiti i trafikut./Telegrafi/