Modeli nga Milano, Andrea Denver, e konsideron shumë tërheqëse Mbretëreshën e muzikës pop, Madonna, prandaj ka kërkuar të krijojë lidhje me të.
23-vjeçari është bërë i njohur me pjesëmarrjen e tij ne klipin e këngës së Taylor Swift, “Blank Space”, ndërsa ditë më parë 56-vjeçarja publikoi në Instagram një fotografi të tij.
Ajo e quajti të riun “zemër rebele”, ashtu si titullohet edhe albumi i saj, ndërkohë që TMZ raporton se modeli në fjalë kërkon të krijojë lidhje me Madonnan, e cila është 33 vjet më e moshuar se ai.
“Padyshim se do të doja të dilja me të. Ajo është vërtet tërheqëse”, citohet të ketë thënë Andrea.
Jemi mësuar ta shohim divën e muzikës botërore në lidhje me meshkuj shumë më të ri se ajo, prandaj mund të ndodhë që Denverit t’i plotësohet dëshira. /Telegrafi/
