Ish-agjenti i sulmuesit Robert Lewandowskit, Maik Barthel, beson se ai do të largohet nga Bayern Munichu këtë verë, pas shumë viteve në Allianz Arena.
Reprezentuesi polak është lidhur këtë javë me një largim nga Bavarezët.
Manchester United dhe Real Madrid ishin dy klubet më të përfolura për transferimin e Lewandowskit.
Ish-agjenti i polakut, Maik Barthel ka folur për mundësinë e largimit të yllit të Bayernit, duke pohuar një gjë të tillë.
“Ka diçka që Robertit nuk i pëlqen në Bayern Munich dhe që e shqetëson atë”, ka thënë fillimisht Barthel për Bild.
“Në fakt, kjo tregon në mënyrën se si ai dhe klubi shprehen dhe fakti se nuk ka ende biseda për rinovim”.
“Përvoja ime me të dhe shoqërinë e tij më bën të them se ai dëshiron të shkojë në një klub tjetër të madh ndërkombëtar… mundësisht Real Madrid, ky ka qenë gjithmonë objektivi i tij kryesor”.
“Në fakt, unë mendoj se është mjaft e mundur”, përfundoi ish-agjenti i Lewandowskit. /Telegrafi/