Sergio Aguero ka publikuar një postim në Twitter duke diskutuar gjendjen e tij aktuale, pasi gjatë ditës u shfaqën thashethemet duke thënë se sulmuesi i Barcelonës mund t’i japë një fund të parakohshëm karrierës së tij.
33-vjeçari pësoi një aritmi në zemër gjatë barazimit 1-1 të Barcelonës kundër Alaves më 30 tetor, me të cilën më vonë u zbulua se ai do të jetë jashtë për tre muajt e ardhshëm.
Sot (e premte) gjatë ditës dolën lajme se problemi i Agueros mund të jetë më i madh sesa mendohej dhe argjentinasi mund të pensionohet nga futbolli i luajtur.
Megjithatë, Aguero ka qenë i shpejt për t’i mohuar thashethemet rreth një pensionimi të parakohshëm.
“Në përgjigje të thashethemeve, mund t’ju them se jam duke ndjekur udhëzimet e mjekëve të klubit, duke kryer analiza dhe trajtime dhe për të parë se si do të evoloj brenda 90 ditëve. Mendoni gjithmonë pozitivisht”, ka shkruar Aguero në Twitter.
Për momentin, Barcelona nuk ka bërë asnjë deklaratë për këtë çështje dhe po tregohet e kujdesshme me Agueron. /Telegrafi/
Ante los rumores les cuento que estoy siguiendo las indicaciones de los médicos del club, haciendo pruebas y tratamiento y ver mi evolución en el plazo de los 90 días. Siempre en positivo 🤟🏽
— Sergio Kun Aguero (@aguerosergiokun) November 12, 2021