Agjenti i parë i Lionel Messit, Horacio Gaggioli, thotë se Real Madridi ka bërë presion për të nënshkruar me sulmuesin para se ai të mbushte 18 vjeç, por argjentinasi i kishte refuzuar.
“Real Madrid u interesua kur Messi ishte i ri, kishte 16-17 vjeç, por Leo kurrë nuk donte të largohej nga Barcelona”, deklaroi Gaggioli.
“Arsenal shfaqi interesim për të marrë Messin në vitet e tij të para, por përgjigja ishte e njëjtë”, shtoi agjenti.
Messi arriti sukses në Barcelona, por edhe Real Madrid ka bërë mirë pa të.
Los Blancos kanë fituar gjashtë tituj të Ligës së Kampionëve që atëherë, përveç shumë titujve të La Ligës, Superkupave dhe Kupës së Botës për Klube.
Për më tepër, ata nënshkruan me Cristiano Ronaldon, i cili ishte përballë Messit për shumë vite. /Telegrafi/