Agjenti i Mohammed Kudus ka kritikuar Chelsean për taktikat e tyre qesharake të transferimeve.
Blutë u lidhën me asin ganez gjatë afatit kalimtar të verës.
Lojtari 23-vjeçar ra dakord për kushtet personale me londinezët perëndimor dhe madje pretendohet se ka folur me Mauricio Pochettinon.
Lëvizja dështoi, megjithatë, sepse Chelsea nuk do t’i ofronte Ajaxit më shumë se 20 milionë euro – më pak se gjysma e tarifës prej 40 milionë për të cilën ai përfundimisht shkoi në West Ham.
Duke folur për RMC Sport për ndjekjen e çuditshme të Bluve, agjenti i Kudus, Jen Mendelewitsch tha: “Ne arritëm një marrëveshje me Chelsean, ne ramë dakord për kontratën me ta, por marrëveshja nuk u krye”.
“Ai foli me trajnerin, por në fund nuk ndodhi sepse Chelsea i bëri një ofertë qesharake Ajaxit”.
“Nuk ka pasur kundërofertë. Chelsea e bëri këtë me shumë lojtarë këtë verë, duke bërë oferta shumë të ulëta për klubet duke e ditur se ata nuk do të pranoheshin”, ka vazhduar ai.
Mendelewitsch më pas zbuloi pse mendon se Blutë u sollën kaq çuditërisht.
Ajo shtoi: “E vërteta është se ata ishin plotësisht të fokusuar në transferimin e (Moises) Caicedo, i cili mori të gjithë energjinë e tyre”.
Kudus nuk ka nisur ende një ndeshje në Ligën Premier nën drejtimin e trajnerit të Hammers, David Moyes.
Por, ai arriti të shënonte golin e tij të parë nga bankina herën e fundit, duke shënuar golin e barazimit në minutën e fundit kundër Newcastle. /Telegrafi/