Manchester Unitedi thuhet se ka kontaktuar me vëllanë dhe agjentin e Paulo Dybalas për një transferim të mundshëm gjatë verës.
Është spekuluar se sulmuesi i Juventusit i ka prishur marrëdhëniet me trajnerin Massimiliano Allegri dhe mendon të largohet nga Zonja e Vjetër.
Argjentinasi kërkohet nga disa prej klubeve kryesore evropiane, ndërsa Old Traffordi ëhstë një prej destinacioneve të mundshme.
Televizioni italian, RAI Sport, ka raportuar se Dybala, i cili vlerësohet rreth 175 milionë euro, nuk është i qetë në Torino dhe vëllai i tij, Gustavo, është duke u përpjekur që t’ia mundësojë largimin.
Sipas thashethemeve, Gustavo që është edhe agjent i Dybalas, ka biseduar edhe me Real Madridin edhe me Unitedin, ndërsa është raportuar për një takim edhe me përfaqësuesit e Paris Saint-Germainit.
24-vjeçari beson se te ndonjë klub tjetër mund të përfitojë deri në 10 milionë euro.
Argjentinasi thuhet se e preferon kalimin te Djajtë e Kuq, ku do të ribashkohej me Paul Pogban, ndërsa shifra e transferimin do ta thyente rekordin e mesfushorit francez.
Dy lojtarët kanë miqësi të mirë dhe thuhet se ish-bashkëlojtari i Dybalas është duke ndikuar që sulmuesi ta zgjedhë Unitedin si opsion primar. /Telegrafi/