Kosova ka përparësi të mëdha për të investuar dhe për këtë të rinjve duhet t’iu jepet mundësia për ta shfaqur talentin e tyre.
Kështu është shprehur pronari i kompanisë Jaha Solar në emisionin “Përballje” në Telegrafi.com që është diskutuar për investimet e diasporës si dhe ato gjermane në Kosovë.
“Ne kemi shfrytëzuar përparësitë e Kosovës, që është një vend me një rini të talentuar. Në 49 shtete të ndryshme kemi përvojat e transferimit të përvojave. Potencialet që ka Kosova është që iu duhet vetëm mundësia e shpalosjes së talentit të të rinjve”, tha Hoxha.
Ai tregon se kompania e tij ka shtrirje në Gjermani.
“Ajo se çfarë kam sjell nga Gjermania ka qenë qëllimi. Qëllimi tregon që sot pas 22 vjetëve dëshmohet në shifra shumë të larta. Po ashtu, qëllimi ka qenë që t’i ndihmoj vëllezërit e mi. Suksesi i gjithë kësaj është që duke iu ndihmuar atyre duke iu dhënë një mundësi ndryshe. Si kompani kemi shtrirje në Gjermani ku bëjmë instalime dhe zhvillojmë projekte solare”, tregoi ai.
Në emision është diskutuar është për pengesat që kanë investitorët në vendin tonë por edhe për lehtësirat që shteti i Kosovës duhet t’i bëjë. Gjithashtu në fund të emisionit janë diskutuar edhe modele e histori suksesi të investimeve nga diaspora e Gjermania në Kosovë. /Telegrafi/
