Pasagjerët në bordin e një aeroplani të Lufthansa Airlines kanë përjetuar makthet e uljes, pasi ai u “përplas” dy herë në asfalt përpara se të ngrihej përsëri.
Sipas mediave të huaja, përcjell Telegrafi, Boeing 747-8i, i cili është aeroplani më i madh i prodhuesit, e ndërpreu uljen pas përpjekjes së tmerrshme në Aeroportin Ndërkombëtar të Los Anxhelosit në Kaliforni të martën.
Dhe disa pamje thuhet se tregojnë “Lufthansa Flight 456” që po fluturonte nga Frankfurt, Gjermani, duke u shfaqur normal dhe duke iu afruar pistës ndërsa dëgjohet duke folur një kontrollor trafiku.
Por rrotat e tij goditën tokën dhe nxirrnin tym.
Aeroplani kërcen dhe rrotat prekin përsëri asfaltin, por ai ngrihet përsëri.
Nuk ishte menjëherë e qartë pse ulja nuk shkoi pa probleme dhe nëse ishte për shkak të mosfunksionimit të ndonjë pajisjeje.
Një zëdhënës i Lufthansa tha se ishte një ‘ulje e ashpër’ dhe se askush nga 326 pasagjerët dhe 19 anëtarët e ekuipazhit nuk u lëndua. /Telegrafi/