Këngëtarja e njohur shqiptare, Adelina Berisha ka publikuar këngën më të re.
Projekti mban titullin “Harrom” dhe erdhi i kompletuar edhe nga ana vizuale për të cilën u përkujdes Max Production.
Muzika e këngës e cila është e zhanrit baladë është realizuar nga Edlir Begolli.
Si çdo herë tjetër, këngëtarja as kësaj radhe nuk ka zhgënjyer me dukjen atraktive në klip teksa shfaqet joshëse në disa skena të ndryshme.
Projekti më i ri i Adelinës tashmë gjendet i publikuar në kanalin e saj zyrtar në YouTube dhe padyshim do të mirëpritet nga fansat e saj.
Kujtojmë që kjo vjen pas një tjetër projekti të suksesshëm që këngëtarja solli në bashkëpunim me Sabianin.
Dueti “Ma kadal” u lansua në muajin korrik dhe deri më tani ka grumbulluar mbi pesë milionë klikime në YouTube. /Telegrafi/
