Kryetari i Lidhjes Demokratike të Kosovës (LDK), Lumir Abdixhiku, iu ka dërguar nga një letër kryetarit të Lëvizjes Vetëvendosje, Albin Kurti dhe u.d të Presidentes, Vjosa Osmani lidhur me takimin ndërmjet tyre.
Këtë për Telegrafin e ka konfirmuar zëdhënësja për media në LDK, Gentiana Azemi, e cila shkurt u deklarua se letrat u janë dërguar sot.
Kujtojmë se Kurti dhe Osmani i kishin dërguar një letër LDK-së, ku ftonin kryetarin e kësaj partie për të marrë pjesë në takim i cili ishte i planifikuar të mbahej sot për të diskutuar për konstitutimin e institucioneve.
Abdixhiku pas zgjedhjes si kryetar i LDK-së gjatë ditës së djeshme, u shpreh se e ka të pamundur pjesëmarrjen në takim për ditën e sotme, ai propozoi që ky takim të mbahet të premten.
Madje sot, pas homazheve që bëri te varri i ish-presidentit Ibrahim Rugova, Abdixhiku tha se është në pritje të konfirmim nga Kurti e Osmani për propozimin e tij për tu takuar këtë të premte. /Telegrafi/