Ambasadori britanik në Kosovë, Nicholas Abbott, ka folur për takimin e kryeminsitrit Albin Kurti dhe presidentit Aleksandar Vuçiq që do të mbahet me 18 mars në Ohër.
Përmes një statusi në llogarinë e tij në Facebook, Abbott ka thënë që kjo javë është e rëndësishme për Kosovën.
Sipas tij, pritet të arrihen hapa të vërtetë për marrëdhënien ndërmjet Kosovës dhe Serbisë.
“Kjo javë është e rëndësishme për Kosovën. Është i arritshëm një hap i vërtetë drejt normalizimit të marrëdhënieve dhe njohjes reciproke ndërmjet Kosovës dhe Serbisë”. ka thënë Abbott.
Sipas tij, marrëveshje do të sjellë disa përfitime praktike dhe disa politike.
“Qeveria dëshiron të arrijë një plan kohor realist të zbatimit dhe mirëpres që disa parti opozitare po ofrojnë mbështetje të dobishme. Tani është koha për të marrë prapa një marrëveshjeje dhe zbatimin e saj për të siguruar një marrëveshje që funksionon për Kosovën. Ne besojmë se po”, shkroi Abbott.
