Zëvendësministri i Shëndetësisë, Ali Berisha, në cilësinë e nënkryetarit të AAK-së dhe kryetarit të degës së këtij subjekti në Pejë, ka ndarë mirënjohje me motivacion “Heronjtë e Rinj të Atdheut”.
Mirënjohjet janë ndarë për trajnerin e njohur të xhudos, Driton Kuka dhe kampionët Majlinda Kelmendi, Nora Gjakova, Akil Gjakova, Distria Krasniqi e shumë kampionë të tjerë.
Berisha përmes një shkrimi në llogarinë e tij në Facebook, ka thënë se kampionët si Majlinda e shumë të tjerë, kanë dhënë kontribut të jashtëzakonshëm për vendin.
“Në përmbyllje të vitit, sot me bashkëpunëtorë të AAK-së, dega në Pejë në klubin më të suksesshëm jo vetëm në Kosovë po edhe më gjerë, në klubin e kampionëve. Në emër të Aleancës dega në Pejë, bazuar në kontributin në sport dhe përmes sportit në kontributin e jashtëzakonshëm për shtetin e Kosovës ndamë mirënjohje. Peja gjithmonë do të krenohet me mjeshtrin e madh të xhudos, Toni Kuka dhe kampionët Majlinda, Nora, Akili, Distria e shumë kampionë të tjerë. Urime e suksese heronjve të rinj të Kosovës edhe për vitin 2019”, ka shkruar Berisha./Telegrafi
