Reperi i njohur nga Prishtina, Capital T, do të mbajë sonte (e premte), koncertin më të rëndësishëm të tij, “Time Capsule”.
Sheshi “Nënë Tereza” në Tiranë është rezervuar për një paraqitje sa më dinjitoze të reperit sonte, i cili do të interpretojë para publikut hitet e tij më të mëdha ndër vite.
Teksa publikoi disa fotografi nga fëmijëria e tij në rrjetin social Instagram, për të shënuar këtë datë të rëndësishme të karrierës së tij, një postim i veçantë erdhi edhe nga daja i tij, reperi 2po2.
Besniku, i cili ka qenë një përkrahës i madh i nipit të tij që në fëmijëri, ka publikuar njashtu një fotografi shumë të vjetër në rrjetin social Instagram.
Bëhet fjalë për një imazh të realizuar në fillim të viteve 90, kur Capital T si i vogël bënte lojëra të ndryshme pranë dajës së tij.
“Koha fluturon shpejt . Në fotografi me nipin tim ,Capital T, në fillim të viteve të nëntëdhjeta. Time Capsule fluturon sonte me Trimin në Tiranë. Bëfshi qejf”, kanë qenë fjalët e 2po2. /Telegrafi/